Navarro ekki kominn með nýja

Rokkarinn Dave Navarro hefur neitað öllum sögusögnum þess efnis að hann sé kominn með nýja kærustu og sé á leiðinni í sambúð með henni í New York. Hjónarúmið hjá þeim Navarro og Carmen Electra var varla farið að kólna þegar þessar fréttir bárust en skötuhjúin tilkynntu nýverið að þau ætluðu sér að skilja.

Navarro svaraði þessum slúðursögum á heimasíðu sinni. Það eru nokkrir hlutir sem ég ætla að hafa á hreinu og álít að það sé best að gera það hér, skrifaði hann. Ég er ekki kominn með nýja kærustu og er þaðan af síður að flytja til New York. Ég er á fullu við að taka upp Rock Star-þættina og ef ég er ekki að því þá er ég bara heima hjá mér, á tónleikaferðalagi eða að taka upp plötu, sagði Navaro og bætti því við að hann og Carmen væru enn í góðu sambandi. Við elskum hvort annað og erum bestu vinir. Þess vegna ætla ég að styðja við bakið á henni á þessum erfiðu tímum, sagði ljúflingurinn Navarro.