Íslensk barbiedúkka á e-bay

Dúkkan var framleidd árið 1986 og er hluti af Heimsdúkkusafni Mattel-framleiðandans. Dúkkan er í upprunalegum umbúðum sem hafa aldrei verið opnaðar.

Að neðan er íslenska barbiedúkkan í bláu pilsi og með hvíta svuntu en að ofan í hvítri skyrtu og bláum upphlut. Á höfði ber hún bláa skottuhúfu. Auk dúkkunnar fylgir landslagsveggmynd, kort og ferðahandbók af Íslandi, peningar, passi og flugmiðar fyrir dúkkuna góðu í pakkanum

Um þrjú leytið í gær var hæsta boð í dúkkuna 25 dollara, sem samsvarar tæpum tvö þúsund krónum en frestur til að bjóða í dúkkuna rennur út um klukkan hálf sjö í kvöld.