Slagur á tvíslá

Kvikmyndin Stick It segir frá Haley Graham er gömul fimleikadrottning sem yfirgaf liðsfélaga sína á ögurstundu og rústaði þar með orðspori sínu í íþróttinni. Hún er iðinn við að koma sér í klandur með hverskyns tilraunum í jaðaríþróttum sem ögra bæði þyngdarlögmálinu og hinum almennu lögum.

Einstæði pabbinn hennar á í mestum erfiðleikum með að halda dóttur sinni á mottunni og dag kemur áhættufíknin Haley um koll þegar eitt af áhættuatriðum hennar endar fyrir unglingadómstól. Dómarinn hefur ekki mikla samúð og dæmir Haley í fimleikaflokk Vickerman en þar ræður harðhausinn Burt Vickerman ríkjum.

Þjálfarinn Vickerman sér hæfileikana í Haley og ákveður að koma henni aftur til metorða, hvort sem ólátabelginum líkar það betur eða verr en það kann að kosta Haley blóð, svita og tár enda þarf hún að keppa við eina efnilegustu fimleikakonu hópsins, Joanne Charis. Vickerman gerir Haley grein fyrir fyrir því að hún fái að ráða sér sjálfri, svo lengi sem hún skaði ekki sjálfa sig og ekkert blóð komi á áhöldin og upphefst þá sannkölluð öskubuskusaga Haley Graham í fimleikaheiminum.

Það er handritshöfundurinn Jessica Bendinger sem leikstýrir Stick it en hún skrifaði einmitt handritið að klappstýrumyndinni Bring It On. Hin unga Missy Peregrym leiðir fríðan flokk ungra kvenna sem ætla sér sigur á landsmótinu og gæðaleikarinn Jeff Bridges fer með hlutverk Vickerman þjálfara.