Þingmenn stjórnarflokkanna í viðbragðsstöðu

Þingmenn stjórnarflokkana hafa verið beðnir um að vera í viðbragðsstöðu til þess að geta í skyndi komið á þingflokksfundi vegna breytinga á ríkisstjórninni.

Samkævmt heimildum NFS er vinnan við að skáka til ráðherrastólum í ríkisstjórn undir forystu Geirs Haarde á lokastigi og gæti sú vinna klárast í dag eða í síðasta lagi á morgun.

Geir og Halldór Ásgrímsson hafa tveir einir unnið að því að raða ríkisstjórninni saman en í fyllingu tímans verður tillaga þeirra borin undir þingflokka Sjálfstæðis og Framsóknarflokks.

Stjórnarþingmenn voru í gær beðnir um að halda sig í bænum og vera tilbúnir til þess að mæta á þingflokksfund með skömmum fyrirvara.