25 athugasemdir vegna frummatsskýrslu Fjarðaráls

25 athugasemdir bárust vegna frummatsskýrslu Alcoa Fjarðaráls á umhverfisáhrifum álvers á Reyðarfirði, frá náttúruverndarsamtökum og einstaklingum. Skýrslan gerir meðal annars úttekt á mengun frá álverinu í lofti sem á láði og er það niðurstaða skýrslunnar að með þurrhreinsibúnaði einvörðungu verði öll mengun frá álverinu undir viðmiðunarmörkum.

Gagnrýnendur frummatsskýrslunnar, meðal annars Hjörleifur Guttormsson, sem sjálfur skilaði inn athugasemdum við skýrsluna, segja hins vegar að mengun verði mun betur haldið í skefjum ef álverið á Reyðarfirði hreinsi útblástur einnig með vothreinsibúnaði.