Skotsýning Dallas og Washington

Fimm leikir voru í NBA-deildinni í körfubolta í gærkvöldi. Dallas Mavericks og Washington Wizards buðu upp á skotsýningu og skoruðu samtals 257 stig. Dallas vann með 137 stigum gegn 120. Jerry Stackhouse skoraði 29 stig og Dirk Nowitski 28 fyrir Dallas. Nowitski fór yfir 10 þúsund stig í stigaskorun sinni í NBA. Denver Nuggets lagði Seattle Supersonics, 116-110, eftir framlengdan leik. Earl Boykins skoraði 15 stig fyrir Denver í framlengingunni. Jamaal Tinsley skoraði 28 stig þegar lið hans, Indiana, vann Houston, 87-74. Chris Webber skoraði 32 stig, tók 13 fráköst, átti sex stoðsendingar og stal boltanum fjórum sinnum þegar lið hans Sacramento marði sigur á Portland, 113-107, eftir framlengdan leik. Orlando bar sigurorð af Detroit Pistons, 103-101.