Helgin öll

52 fíkniefnamál komu upp á stæstu hátíðum helgarinnar, í Vestmannaeyjum og á Akureyri. skemmtanahald fór yfirleitt vel fram þessa verslunarmannahelgi. Útlit er fyrir að um 500 manns sem eiga pantað flug frá Eyjum, til Bakka komist ekki heim í dag. Leiðinda veður er í Vestmannaeyjum og klukkan tvö í dag var ekki lengur fært með flugi á Bakka. 800 áttu pantað flug þaðan í dag og komust 300 yfir í morgun en 500 bíða enn. Flugfélag Íslands býst við því að koma öllum farþegum sínum heim fyrir myrkur en af og til þarf að gera hlé á flugi vegna skúra. Lögreglan vísar þeim sem ekki komast heim í Íþróttahús bæjarins. 28 fíkniefnamál komu upp í Vestmannaeyjum um helgina en í fyrra voru þau á milli 40 og 50. Mest var tekið af hassi og amfetamíni. Á Akureyri voru fíkniefnamálin 24 talsins. Enginn af þeim sem tekinn var er grunaður um sölu fíkniefna. 10-15 líkamsárásir komu upp á Akureyri, flestar minniháttar en þó kjálkabrotnði einn á föstudagskvöld. Þrjár líkamsárasir komu inn á borð hjá lögreglunni í Eyjum. Einn var fluttur með flugi til Reykjavíkur en hann var kýldur niður og sparkað í hann liggjandi. Hann reyndist ekki eins alvarlega sasaður og talið var í fyrstu. Þá brotnuðu tennur í manni sem sleginn var með stálröri. Talið er að um 10 þúsund manns hafi tekið þátt í brekkusöngnum í Herjólfsdal í gærkvöldi og hafa sjaldan verið fleiri að sögn lögreglu. Lögreglan í Vestmannaeyjum segir að þjóðhátíð hafi komið nokkuð vel út og farið rólega af stað fyrstu dagana. Nóttin í nótt var þó erilsöm. Á Suðurlandi og Austurlandi gengu hátíðarhöld vel fyrir sig. Óvenju fáir voru í Galtalæk eða um 2500 manns. Á fjórða þúsund mættu á kotmót í Kirkjulækjarkoti í Fljóshlíð þar sem allir voru til fyrirmyndar. Um sex þúsund voru á Landsmóti unglinga í frjálsum íþróttum í Vík og Mýrdal og gekk allt þar eins og best verður á kosið. Nokkur erill var á Neistaflugi í Neskaupsstað vegna ölvunar en talið er að um 2000 gestir hafi verið þar.