Bráðamóttaka við Sjúkrahúsið Vog opnuð á ný á morgun

Bráðamóttaka fyrir áfengis- og vímuefnasjúklinga verður opnuð á ný við Sjúkrahúsið á Vogi á morgun. Á síðastliðnum tveimur mánuðum hefur tekist að tryggja næga fjármuni til að opna bráðmóttökuna á ný. Það eru tveir fyrrum formenn SÁÁ, Björgólfur Guðmundsson og Hendrik Berndsen, sem eiga veg og vanda að söfnun fjárframlaga frá fyrirtækjum, auk Jóhannesar Jónssonar í Bónus. Þeir hafa unnið að því undanfarnar vikur ásamt formanni SÁÁ, Þórarni Tyrfingssyni, að fá fyrirtæki til að styðja við bráðamóttökuna með mánaðarlegum fjárframlögum. Fjórmenningarnir munu áfram vera bakhjarlar bráðamóttökunnar.