Borga 76 milljónum of mikið

Stjórnendur Allra handa segja samninga Vegagerðarinnar við Kynnisferðir um rútuferðir milli Reykjavíkur og Keflavíkurflugvallar kosta ríkissjóð 76 milljónum króna meira en ef samið hefði verið við Allrahanda. Stjórnendur Allra handa segjast hafa fengið staðfest að samið hafi verið við Kynnisferðir um sérleyfi. Þetta hafi verið gert þrátt fyrir að Allra handa hafi verið reiðubúið að greiða fimmtíu og átta milljónir króna fyrir sérleyfið en Kynnisferðir viljað fá sautján milljónir í styrk fyrir að sinna akstrinum.