Fá 15 milljónir af skipsverði

Hæstiréttur dæmdi í gær Íslandsbanka til að greiða fimm norðlenskum sjómönnum rúmar fimmtán milljónir króna og Lífeyrissjóði sjómanna rúmar tvær milljónir króna. Sjómennirnir og lífeyrissjóður töldu sig eiga rétt á hluta af söluverði fiskiskips sem þeir höfðu unnið á en var seldur á nauðungarsölu í apríl í fyrra fyrir 80 milljónir. Hæstiréttur samþykkti kröfu þeirra. Með örfáum breytingum staðfesti rétturinn þar með úrskurð sýslumannsins á Húsavík frá því í fyrra og fær Íslandsbanki alls 60 milljónir í sinn hlut fyrir skipið.