Borgarstjóri fagnar kvennafrídegi

Steinunn Valdís Óskarsdóttir, borgarstjóri í Reykjavík, fagnar aðgerðum sem fyrirhugaðar eru til að minnast 30 ára afmælis kvennafrídagsins 24. október. Hún segir í yfirlýsingu að allt of hægt gangi að jafna launamun kynjanna og aðstöðumun til að afla tekna. Steinunn lýsir sutðningi við almenna þátttöku kvenna í aðgerðum 24. október og eru konur meðal starfsmanna borgarinnar hvattar til þátttöku í þeim eftir sem aðstæður leyfa. Þá beinir borgarstjóri því til stjórnenda á vinnustöðum borgarinnar að bregðast jákvætt við óskum kvenna um að leggja niður vinnu til að taka þátt í aðgerðum á þessum degi og hvetur konur um að komast að samkomulagi við samstarfsmenn og stjórnendur um tilhögun, þannig að nauðsynleg þjónusta skerðist ekki.