60 ábendingar um klámsíður

Barnaheill hafa rekið ábendingarlínu í fjögur ár og reynslan sýnir að um sextíu ábendingar um klámsíður á netinu berast að meðaltali á mánuði. Kristín seægir að farið sé með ábendingarnar eftir ákveðnum reglum, þeim sé ýmist komið áfram til annarra ábendingarlína í því landi sem efnið er vistað í eða samband haft við lögregluna sem kemur málinu áfram eftir sínum leiðum. Kristín segir að það hafi aukist að Barnaheill fái ábendingar um íslenskar vefsíður sem þyki kannski á gráu svæði. Einnig hafi borist ábendingar um b örn sem fólk hafi áhyggjur af. Þessum ábendingum hafi verið komið til barnaverndaryfirvalda. Frá upphafi hafi síðurnar í langflestum tilfellum verið erlendar síður sem íslenskir netnotendur hafa rekist á. Kristín segir að sín reynsla sé sú að Íslendingar séu hvorki betri né verri í klámnotkun á netinu en aðrar þjóðir. Íslendingar séu bara með einna mesta netnotkunina í öllum heiminum þannig að ástæða sé til að vera vakandi yfir netinu og vekja fólk til umhugsunar um klám og þá ekki síst barnaklám á netinu.