Baros til Schalke?

Þýska liðið Schalke hefur bæst í hóp þeirra liða sem vilja fá sóknarmanninn Milan Baros frá Liverpool og viðræður milli félagana tveggja eru komnar í gang. Schalke hefur nýlega selt sinn helsta sóknarmann, brasilíumanninn Ailton, til Besiktas og hugsa Baros sem eftirmann hans. Baros er kominn enn neðar í goggunarröðinni á Anfield Road og ljóst að Rafael Benitez er til í að selja hann. Aston Villa er líklegasta liðið á Englandi til að krækja í hann en West Ham og Birmingham hafa einnig sýnt áhuga. Schelke hefur samt sæti í Meistaradeild Evrópu sem þessi ensku lið geta ekki boðið. Svo gæti farið að Liverpool láni Baros í eitt tímabil og selji hann síðan. Áhugi Valencia og Lyon á þessum tékkneska landsliðsmanni hefur minnkað