Benitez sæmilega sáttur

Rafael Benitez, knattspyrnustjóri Liverpool, hefur lýst frammistöðu sinna manna gegn Kaunas frá Litháen í Meistaradeildinni í gær sem "ágætri." Liverpool sigraði leikinn á endanum 3-1 eftir að hafa lent 1-0 undir eftir rúman 20 mínútna leik, en mörk þeirra rauðklæddu skoruðu Djibril Cisse, Jamie Carragher og Steven Gerrard úr vítaspyrnu. "Ég varð aldrei áhyggjufullir þó svo að þeir hafi skorað. Ég vissi alltaf að við myndum skora, og markmið okkar í leiknum var að skora fleiri mörk en þeir. Það gekk eftir," sagði Benitez. Nýliðinn Peter Crouch lék sinn fyrsta leik með Liverpool í leiknum og fannst Benitez hann standa sig vel. "Hann vann mjög vel í leiknum og barðist, rétt eins og liðið í heild. Það er alltaf erfitt að spila sinn fyrsta leik fyrir nýtt félag og mér fannst hann spila vel."