Vilja fjölga nektarströndum

Svo virðist sem nektarsinnum fari fjölgandi í Noregi því yfirvöld í bæði Þrándheimi og Stafangri hafa fengið beiðnir um að opna nýjar nektarstrendur í bæjunum. Aftenposten greinir frá því að meðlimum í Nektarsinnafélagi Rogalands hafi fjölgað jafnt og þétt undanfarið ár og því hafi félagið óskað eftir því við bæjaryfirvöld í Stafangri að ný nektarbaðstönd verði opnuð í bænum. Ákvörðun verður tekin um það á næstunni. Hið sama gildir um Þrándheim en þar mun bæjarstjórnin taka afstöðu til þess fljótlega hvort Djupvika-ströndin verði nektarströnd. Verði nektarsinnum að ósk sinni geta þeir sprangað um allsberir á 14 ströndum í landinu án þess að verða handteknir fyrir athæfið.