Ráðist gegn ópíumbændum

Eftir að hafa sætt ámæli fyrir að draga lappirnar í baráttunni við ópíumræktendur hafa afgönsk yfirvöld blásið til stórsóknar síðustu daga. Rassían fór fram í suðurhluta landsins og að henni lokinni höfðu fimmtán manns verið handteknir og 4.590 kíló af ópíum gerð upptæk. George W. Bush Bandaríkjaforseti sagði að hersveitir Bandaríkjamanna í Afganistan yrðu áfram undir bandarískri stjórn, þrátt fyrir óskir Hamid Karzai, forseta landsins, um að hafa meira um aðgerðir þeirra að segja, en hann er í heimsókn í Washington.