Engin gleðistund

Breskir bjórsvelgir eiga ekki von á góðu núna. Hópur sem kemur fram fyrir hönd um helmings breskra kráa hefur lýst því yfir að nú eigi að hætta að vera með svokallaðan "Happy-Hour" eða gleðistundir. Þetta er gert í kjölfarið á miklum þrýsingi frá stjórnvöldum sem vilja ekki að almenningur drekki jafn mikið og gert er. Áfram má þó bjóða bjór á hálfvirði, en einungis ef það er gert á ábyrgan hátt, eins og í matartilboði. Víða hefur það tíðkast að barir bjóði aðalsvelgjunum að borga ákveðið verð fyrir eins mikið af öli og þeir geta í sig látið á gleðistundum. Þetta þykir hvetja til óskynsamlegrar drykkju.