Vilja ekkert minna en fulla aðild

Tyrknesk stjórnvöld munu ekki fallast á neitt minna en fulla aðild að Evrópusambandinu. Þessu lýsti talsmaður tyrkneska utanríkisráðuneytisins yfir í gær, eftir að tyrknesk dagblöð birtu fréttir af franskri tillögu um að Tyrkjum yrði boðinn samningur um náin tengsl við sambandið frekar en fulla aðild. Hugmyndin um að Tyrkland fái fulla aðild að ESB er óvinsæl víða í núverandi aðildarríkjum þess, ekki síst í Frakklandi þar sem búist er við að margir kjósendur greiði atkvæði gegn samþykkt hins nýja stjórnarskrársáttmála í þjóðaratkvæðagreiðslu um næstu helgi, beinlínis vegna þess að þeir vilja hindra að Tyrkland fái að semja um inngöngu.