Tímosjenkó segir klofning gróusögu

Júlía Tímosjenkó, forsætisráðherra Úkraínu, bar í gær til baka fréttir þess efnis að forsetinn Viktor Jústsjenkó hefði lagt að henni að segja af sér. Það hygðist hún ekki gera og fréttir af djúpstæðum ágreiningi milli hennar og forsetans væru úr lausi lofti gripnar. Tímosjenkó fullyrti að samband hennar og forsetans væri "eins innilegt og ævinlega", að því er Unian-fréttastofan greindi frá. Hún lét ummælin falla eftir að vikublaðið Zerkalo Nedely, sem gefið er út í Kíev, birti frétt um að Jústsjenkó hefði lagt að henni að segja af sér vegna meintra mistaka við að reyna að bæta úr eldsneytisskorti í landinu.