Stemma stigu við pýramídastarfsemi

Norska ríkisstjórnin hefur lagt fram frumvarp gegn allri pýramídastarfsemi sem fær meira en fimmtíu prósent af tekjum sínum með því lokka hópa fólks til starfseminnar, en ekki af vörum og eða þjónustu. Samkvæmt nýju lögunum getur þátttaka í slíku varðað sektum og allt að þriggja ára fangelsi. Lagasetningin fylgir í kjölfar mála sem varða umfangsmikil svik í tengslum við pýramídastarfsemi í Noregi. Nýjasta dæmið þar er fyrirtæki sem kallar sig T5PC, eða Fimm prósenta klúbburinn, en forkólfar pýramídafyrirtækisins létu sig hverfa með milljarða í vasanum eftir að hafa svindlað á þúsundum einstaklinga, m.a. á fjölda Íslendinga. Þátttakendur greiddu margir hverjar himinháar upphæðir fyrir vörur af ýmsu tagi en þegar vörurnar skiluðu sér aldrei lék grunur á að um svindl væri að ræða.