Fíkniefnalöggjöfin hert í Hollandi

Hollensk yfirvöld hafa löngum verið þekkt fyrir umburðarlyndi sitt gagnvart neyslu kannabisefna en breyting virðist ætla að verða þar á. Hingað til hafa lög landsins leyft fólki að neyta og hafa á sér allt upp í fimm grömm af kannabisefnum og veitingastaðir hafa mátt eiga hálft kíló af efninu til sölu. Talsmaður dómsmálaráðuneytisins í Hollandi segir að nú sé verið að leggja lokahönd á frumvarp sem banna eigi fólki, sem ekki hefur hollenskt ríkisfang, að neyta kannabisefna á veitingastöðum landsins. Hann á von á að frumvarpið verði samþykkt á næstunni og bannið taki gildi strax, til að byrja með í Maastricht-héraði í Suður-Hollandi. Og að sögn talsmannsins er von á enn hertari aðgerðum gegn notkun og sölu fíkiefna í landinu á komandi misserum.