Aðeins ákærður fyrir líkamsárás

Norskur faðir sem stakk barnaníðing fimmtán sinnum með hnífi sleppur með ákæru fyrir líkamsárás en ekki morðtilraun. Maðurinn ferðaðist tvö þúsund kílómetra frá Ósló til Alta til að hefna sína á karlmanni sem nauðgað hafði syni hans. Hann stakkk hann fimmtán sinnum og var manninum nærri blætt út. Árásarmaðurinn hefur setið í gæsluvarðhaldi í ár en norskur dómstóll komst að þeirri niðurstöðu í gær að árásin hafi ekki verið morðtilraun heldur alvarleg líkamsárás. Dómur verður kveðinn upp eftir helgi og verður föðurnum þá sleppt. Þessi niðurstaða hefur vakið mikla athygli í Noregi.