Styðja baráttu fyrir stjórnarskrá

Þrjátíu og fimm háttsettir stjórnmálamenn víða að úr Evrópu eru komnir til Parísar til þess að styðja franska sósíalista í baráttunni fyrir samþykki stjórnarskrá Evrópusambandsins. Nú eru aðeins tíu dagar þar til kosið verður um stjórnarskrána í Frakklandi og sem stendur virðast ívið fleiri ætla að hafna henni en samþykkja. Joschka Fischer, utanríkisráðherra Þýskalands, og Marios Soares, fyrrverandi forseti Portúgals, voru meðal þeirra fjölmörgu Evrópusinna sem mættu á fund sósíalista í París í gærkvöldi. Um alla Evrópu er horft til niðurstöðunnar í Frakklandi enda talið að það gæti markað endalok stjórnarskrárinnar í núverandi mynd ef Frakkar höfnuðu henni.