Litla stúlkan eftirsótt

Fjöldi fólks í Kenýa hefur lýst yfir áhuga á að ættleiða kornunga stúlku sem skilin var eftir í skógi í útjaðri Naíróbí fyrir skemmstu. Stúlkan hafði verið í plastpoka í skóginum í tvo daga þegar flækingshundur kom að og bjargaði henni á ótrúlegan hátt. Eftir að saga stúlkunnar var sögð í fjölmiðlum hafa tugir manna sett sig í samband við sjúkrahúsið sem tók við henni og beðið um að fá að ættleiða hana. Að sögn starfsmanna spítalans liggur þó enn ekki ljóst fyrir hver örlög stúlkunnar litlu verða.