Keflavík yfir í hálfleik

Keflvíkingar hafa yfir í hálfleik 53-50 gegn Snæfelli í Stykkishólmi í fjórða leik liðanna í úrslitarimmu Íslandsmótsins í körfuknattleik. Keflvíkingar hafa haft frumkvæðið allan leikinn og náðu mest 12 stiga forskoti, en heimamenn náðu að jafna í 50-50 undir lok annars leikhluta. Keflvíkingar skoruðu 3 síðustu stig hálfleiksins og leiða eins og áður sagði 53-50. Stig Keflavíkur: Magnús Þór Gunnarsson 15, Nick Bradford 15 stig (9 fráköst, 4 stoðsendingar), Jón Nordal Hafsteinsson 10, Anthony Glover 8, Sverrir Þór Sverrirsson 5. Stig Snæfells: Mike Ames 12, Helgi Reynir Guðmundsson 9, Calvin Clemmons 8 stig (6 fráköst), Pálmi Freyr Sigurgeirsson 7 stig (5 stoðsendingar), Hlynur Bæringsson 6, Sigurður Þorvaldsson 6, Magni Hafsteinsson 2.