Pistons komnir í úrslitakeppnina

13 leikir voru í NBA-körfuboltanum í gærkvöldi. Meistarnir í Detroit Pistons tryggðu sér sæti í úrslitakeppninni með sigri á Los Angeles Clippers 97-84. Dallas tryggði sér einnig sæti í úrslitakeppninni með sigri á Philadelphia 100-83. Dirk Nowitski skoraði 29 stig fyrir Dallas en leikur Dallas og Cleveland verður sýndur á Sýn annað kvöld. Phoenix Suns sigraði Minnesota 107-98. Steve Nash skoraði 28 stig fyrir Suns. Denver vann sjönda heimaleikinn í röð, sigraði San Antonio Spurs 102-84. Ricky Davis skoraði 36 stig þegar Boston skellti Atlanta 116-100. Washington vann Orlando 111-102, Toronto sigraði Charlotte 119-107, Seattle marði sigur á Portland 89-87, Golden State burstaði Utah Jazz 108-91, New Orleans vann nauman sigur á Houston 76-73, Memphis vann Milwaukee 93-82, Sacramento sigraði Cleveland 128-109 og New Jersey marði sigur á New York 93-91.