Chelsea að stinga af?

Það var fyrirliðinn Frank Lampard sem tryggði Chelsea sigurinn gegn Tottenham í slag Lundúnaliðanna á laugardaginn var. Hann skoraði bæði mörkin í tilþrifalitlum leik á White Hart Lane, hið fyrra úr nokkuð umdeildri vítaspyrnu eftir meint brot á Alexei Smertin undir lok fyrri hálfleiks. Leikurinn var nokkuð jafn lengst af, en það var svo Lampard sem gerði út um hann undir lokin þegar hann skoraði síðara mark sitt eftir góðan undirbúning Eiðs Smára Guðjohnsen sem kom inn á seint í leiknum. Chelsea hefur notið meðbyrs undanfarið og hefur komið vel út úr vafaatriðum í leikjum sínum að undanförnu. Meistaraheppnin svokallaða virðist vera að falla liðinu í skaut og lét Arsene Wenger, stjóri Arsenal, hafa eftir sér að Chelsea væri komið með afar vænlega stöðu í toppbaráttunni. "Það lítur ekki út fyrir að þeir tapi mörgum stigum eins og liðið leikur í dag og þó talsvert sé eftir að deildarkeppninni er þær komnir í vænlega stöðu. Arsenal tapaði mikilvægum stigum um helgina þegar liðið tapaði fyrir Bolton á útivelli og mun eflaust setja strik í reikninginn þegar lengra dregur. Lið Manchester United hefur verið á miklu skriði undanfarið og virðist hvergi ætla að gefa eftir. Liðið sótti heim fjendur sína í Liverpool og var það undrabarnið Wayne Rooney sem skoraði eina mark leiksins eftir slæm mistök markvarðar Liverpool. Voru það ekki fyrstu mistök Jerzy Dudeks á leiktíðinni og ekki fyrstu mistök hans sem kosta liðið stig. Er þetta í annað sinn á þremur árum sem United hefur sigur á Anfield. Gestirnir misstu reyndar Wes Brown af velli með rautt spjald, eftir slæma tæklingu á John Arne Riise, en náðu engu að síður að halda fengnum hlut og hirða stigin þrjú.United sækir nú fast á hæla Arsenal í baráttunni um annað sætið en munurinn á liðunum er aðeins eitt stig.