Situr inni í tvo mánuði

Maður sem viðhafði kynferðislegt og klámfengið tal í fjöl­mörgum smáskilaboða í far­síma tveggja ungra stúlkna þarf að greiða þeim 400.000 krónur í bæt­ur og var dæmdur í fimm mánaða fangelsi. Hæstiréttur staðfesti í gær fang­els­is­dóm Héraðsdóms Vest­ur­lands yfir manninum, en hækk­aði bóta­greiðslur til hvorrar stúlku um 150.000 krónur.

Þrír mán­uð­ir refsingar mannsins eru skil­orðs­bundnir í þrjú ár. Brotin voru framin á ár­un­um 2003 og 2004. Fyrir Hæsta­rétt voru lagðar nýjar skýr­sl­ur um meðferðarviðtöl við stúlk­ur­nar í Barnahúsi og taldi rétt­urinn ljóst að með háttsemi sinni hefði hann valdið þeim veru­legum miska. Maðurinn var kennari í grunn­skóla heima­bæjar stúlkn­anna og lék með körfu­knatt­leiks­liði bæjar­ins. - óká