Úrslit í Uefa keppninni í kvöld

Fjórir leikir fóru fram í 8-liða úrslitum Uefa keppninnar í knattspyrnu í kvöld. Á St James Park í Newcastle tóku heimamenn á móti Sporting Lisbon. Kieron Dyer var í byrjunarliðinu og Lee Bowyer sat á bekknum, en þessir leikmenn slógust eins og hundur og köttur í leik gegn Aston Villa nú á dögunum. En Newcastle sigraði Sporting með einu marki gegn engu og það var markamaskínan Alan Shearer sem skoraði markið í fyrri hálfleik. Villarreal tapaði óvænt heima gegn AZ Alkmaar. Denny Landzaat kom gestunum yfir en Juan Riquelme, sem er í láni frá Barcelona, jafnaði jafn óðum. AZ Alkmaar skorað þó sigurmarkið seint í síðari hálfleik og var þar að verki Robin Nelisse. á Ernst Happel Stadion gerðu heimamenn í Austria Vienna 1-1 jafntefli gegn ítalska liðinu Parma. Andrea Pisanu kom ítölunum yfir í fyrri hálfleik en Sebastian Mila jafnaði fyrir heimamenn um miðjan síðari hálfleik. Fyrri í dag áttust við CSKA Moskva og Auxerre í Rússlandi. Chidi Odiah, Sergei Ignashevich, Silva Vagner Love og Rolan Gusev skoruðu mörkin í 4-0 sigri heimamanna. Jean-Pascal Mignot var vikið af leikvelli með sitt annað gula spjald átta mínútum fyrir leikslok og spiluðu Frakkarnir þá einum færri. Síðari leikir liðanna fara fram fimmtudaginn 14. apríl.