Fjölnir og Snæfell leika í kvöld

Fjölnir í Grafarvogi tekur á móti Snæfelli úr Stykkishólmi í öðrum leik liðanna í undanúrslitum Intersportdeildarinnar í körfuknattleik. Snæfellsmenn höfðu nauman sigur í fyrsta leik liðanna í Stykkishólmi á sunnudagskvöldið 103-101 eftir æsispennandi framlengdan leik.  Það má því fastlega búast við rafmagnaðri spennu í Grafarvogi í kvöld, en það lið sem fyrr vinnur þrjá leiki kemst áfram í úrslitin gegn annað hvort Keflvíkingum eða ÍR. Leikurinn, sem fer fram í Íþróttamiðstöðinni í Grafarvogi og hefst klukkan 20, verður í beinni útsendingu á sjónvarpsstöðinni Sýn.