San Antonio tapaði óvænt

Besta lið NBA-deilarinnar í vetur, San Antonio Spurs, tapaði óvænt fyrir Portland Trail Blazers 107-99 í gær. Damon Stoudamire skoraði 23 stig fyrir Portland en Tim Duncan 24 fyrir Spurs. Washington sigraði Cleveland 106-97 en 31 stig frá LeBron James dugðu skammt fyrir Cleveland. Kínverjinn Yao Ming skoraði 22 stig og hirti tíu fráköst fyrir Houston sem sigraði Orlando Magic 89-78. Stigahæsti leikmaður NBA-deildarinnar, Allen Iverson, hélt uppteknum hætti og skoraði 45 stig og gaf 11 stoðsendingar fyrir Philadelpia sem skellti Miami Heat með 106 stigum gegn 98. Shaquille O´Neal skoraði 24 stig fyrir Miami. Minnesota lagði Detroit Pistons 86-83, Los Angeles Clippers lögðu Dallas með tíu stiga mun, 97-87, og Chicago Bulls hélt áfram sigurgöngu sinni og skellti Atlanta Hawks, 107-82.