Skuldfært fyrir sekt Skeljungs

Hagar, eignar­halds­félag olíufélagsins Skeljungs, hafa skuldfært hjá sér 250 milljónir króna í ársreikningi síðasta árs vegna sektar fyrir olíusamráð. Allt umfram þá upphæð sækir félagið til fyrri eigenda Skeljungs. Fram kemur í ársreikningnum að Skeljungur hafi verið sektaður um 450 milljónir króna og að sú sekt hafi verið greidd í maí síðastliðnum, en félagið hefur kært þá sekt samkeppnisyfirvalda og er það mál í meðförum dómstóla. "Ekki liggur fyrir hvaða áhrif áfrýjun málsins til dómstóla mun hafa á rekstur og fjárhagsstöðu félagsins en 250 milljónir króna hafa verið færðar til gjalda hjá Skeljungi hf. sem stjórnvaldssekt en fyrri eigendur félagsins bera ábyrgð á sektum umfram þá fjárhæð," segir í ársreikningi fyrirtækisins.