Berjast fyrir togveiðibanni

Umhverfisverndarsinnar sem berjast gegn togveiðum á alþjóðlegum hafsvæðum barst liðsauki breskra vísindamanna í morgun þar sem þeir skora á bresk stjórnvöld að beita sér fyrir togveiðivanni. Umhverfissamtök víða um heim, sem berjast gegn togveiðum, benda á að fjölmargar fisktegundir séu í útrýmingarhættu vegna gegndarlausra og eftirlitslausra togveiða á alþjóðlegum hafsvæðum sem og innan fiskveiðilögsögu margara ríkja. Ekki er um að ræða bann við togveiðum innan lögsögu einstakra ríkja þar sem hafréttarsáttmáli Sameinuðu þjóðanna kveður á um að ríki heims hafi yfirráð yfir eigin lögsögu. Það er því ríkistjórnum í sjálfsvald sett hvernig veiðum er háttað hverju sinni. Samkvæmt upplýsingum frá umvherfisverndarsinnum er Ísland eitt ellefu ríkja sem stunda hvað mest fiskveiðar á alþjóðlegum hafsvæðum og eru þar í hópi með Danmörku, Færeyjum Japan og fleiri ríkjum. Ísland er einnig eitt þeirra ríkja sem hvað háværast hefur andmælt tímabundnu togveiðibanni á alþjóðlegum hafsvæðum. Þeir fiskistofnar sem Íslenskir togarar veiða á alþjóðlegum hafsvæðum er úthafskarfi, norsk-íslenski síldarstofninn og kolmunni. Samkvæmt uppllýsingum frá Fiskistofu er hér um að ræða mikið magn en lítil verðmæti.