Heróín ekki algengt hérlendis

Eins og við sögðum frá í gær þá lést tvennt í íbúð á Hverfisgötu vegna of stórra skamta af heróíni eða contalgíni á jóladag. Lík fólksins fundust svo í gær. Eins og fram hefur komið í fréttaskýringaþættinum Kompási og í fréttum hér á NFS er hópur fólks hér á landi sem hefur ánetjast morfínskyldum lyfjum og jafnvel svo að þeim sé sprautað í æð. Heróín er það morfínefni sem helst hefur borið á að fíklar misnoti í löndunum í kringum okkur. Samkvæmt upplýsingum frá bæði SÁÁ og fíkniefnadeild Lögreglunnar í Reykjavík heyrir hinsvegar enn til undantekninga að fíklar hér á landi noti heróín og ekki virðist vera mikið um að efnið gangi kaupum og sölum á fíkniefnamarkaði. Eitthvað er þó um að menn flytji efnið hingað til lands til eigin nota og þá tekur SÁÁ stöku sinnum við heróínfíklum sem ánetjast hafa efninu erlendis.