Hátt gengi og verðbólga

Sjávarútvegsfyrirtæki hafa átt í miklum erfiðleikum á þessu ári. Nýlega héldu Samtök fiskvinnslustöðva aðalfund þar sem málefni greinarinnar voru rædd.Þar ber fyrst að nefna margumrædda háa gengi krónunnar. Hátt gengi hennar ætti venjulega að stuðla að verðhjöðnun en við búum við mikla verðbólgu. Offramboð af rækju frá Kanada hefur líka gert mönnum erfitt fyrir í rækjuvinnslu í ofanálag við allt hitt. Það sem hefur í raun bjargað okkur frá enn verra ástandi er það að verð á flestum fisktegundum er frekar hagstætt á erlendum mörkuðum. Rækjan er þó þar undanskilin vegna þessa offramboðs.Við í Samtökum fiskvinnslustöðva skoruðum á stjórnvöld að takast á við þennan vanda og það verður að gera með aðhaldi í efnahagsmálum. Fiskvinnslan getur ekki tekið á sig aukinn launakostnað um næstu áramót sem orsakast af þensluástandinu. Hvað er til ráða? Er ekkert jákvætt í stöðunni? Hver er helsta ástæðan fyrir vanda sjávarútvegsfyrirtækjanna?