Stúlka rotaðist í sundlaug

Hótel Geysir í Haukadal var í gær dæmt til að greiða 19 ára stúlku þrjár og hálfa milljón króna í skaðabætur fyrir slys sem hún varð fyrir í sundlaug staðarins. Stúlkan kærði hótelið eftir að hún slasaðist í kórferðalagi Flensborgarskólans í Hafnarfirði þegar hún var 16 ára. Hún stakk sér í sundlaug staðarins, sem verið var að tæma fyrir veturinn, með þeim afleiðingum að hún rotaðist. Skólafélagar hennar komu henni til bjargar. Héraðsdómur Reykjavíkur kvað upp dóminn.