Greta Mjöll með þrennu fyrir Blika

Greta Mjöll Samúelsdóttir skoraði þrennu fyrir Breiðablik sem komst í kvöld í undanúrslit VISA-bikars kvenna. Breiðablik vann nýliða Keflavíkur 3-1 og hefur unnið alla tíu leiki sína í deild og bikar í sumar. 1. deildarlið Fjölnis kom líka á óvart og sló út úrvalsdeildarlið ÍA. VISA-bikar kvenna8 liða úrslitBreiðablik–Keflavík 3–1 Greta Mjöll Samúelsdóttir 3 – Ólöf Helga Pálsdóttir. Stjarnan–KR 1–3 Sjálfsmark – Hrefna Huld Jóhannesdóttir 2, Júlíana Einarsdóttir. Fjölnir–ÍA 4–1 Helga Franklínsdóttir 2, Anne Borton, Edda María Birgisdóttir (víti) – Helga Sjöfn Jóhannesdóttir. Valur, Breiðablik, KR og Fjölnir eru komin í undanúrslit VISA-bikars kvenna. Það verður dregið í undanúrslitin 22. júlí næstkomandi.