Kenyon bjartsýnn á að landa Essien

Peter Kenyon, stjórnarformaður Chelsea segist vera bjartsýnn á að ná að landa Michael Essien frá frönsku meisturunum í Lyon, þrátt fyrir að Chelsea hafi gert tvö árangurslaus tilboð í leikmanninn. Chelsea hefur verið a bjóða í kring um 20 milljónir í Essien, sem hefur lýst því yfir að hann vilji fara frá Lyon og leika með Chelsea, en frönsku meistararnir vilja fá meira en 30 milljónir punda fyrir hann. "Ég er viss um að við náum samningum við Lyon. Þeir vilja auðvitað ekki missa jafn sterkan leikmann og hann er, en úr því hann segist sjálfur vilja koma til okkar, hlýtur að vera hægt að finna lausn á þessu," sagði Kenyon