Mótmælendur handteknir í Bakú

Lögregla barði mótmælendur með kylfum og handtók fylgismenn stjórnarandstöðunnar sem reyndu á laugardag að komast þangað sem áformað var að halda mótmælafund í Bakú, höfuðborg Aserbajdsjans. Stjórnvöld bönnuðu fundinn. Loft var lævi blandið í Bakú eftir að leiðtogar stjórnarandstöðunnar að fundurinn skyldi haldinn þrátt fyrir bannið. Spenna milli stjórnar og stjórnarandstöðu í hinu olíuríka Kákasuslýðveldi, sem áður tilheyrði Sovétríkjunum, hefur farið vaxandi síðan Ilham Aliev tók við völdum að föður sínum gengnum, í kosningum haustið 2003 sem ekki stóðust neina skoðun.