Dýragarðsbirnir bana konu

Fimm birnir í pólskum dýragarði fengu óvænta máltíð á föstudaginn. Kona nokkur sem var gestkomandi í garðinum féll ofan í gryfjuna til þeirra og átti þaðan ekki afturkvæmt. Hún hafði klifrað upp á grindverkið sem umlykur bjarnargryfjuna og féll ofan af því. Konan var um fertugt að sögn lögreglu. Ekki hafði reynst unnt að bera kennsl á hana er AP-fréttastofan náði tali af talsmanni lögreglunnar í Chorzow, þar sem dýragaðurinn er. "Þeir tættu hana í sig," sagði talsmaðurinn, "þetta er sorglegt slys".