Einar með 7 fyrir Großwallstadt

Einar Hólmgeirsson skoraði 7 mörk þegar Grosswaldstadt tapaði 32-35 fyrir Wilhelmshavener í þýska handboltanum í gærkvöldi.  Snorri Steinn Guðjónsson skoraði eitt mark fyrir Grosswaldstadt.  Gylfi Gylfason skoraði eitt mark fyrir Wilhelmshavener.  Hamborg endurheimti fyrsta sætið í deildinni með 26-24 sigri á Nordhorn. Sigfús Sigurðsson skoraði 2 mörk þegar Magdeburg vann Gummersbach 33-29.  Fjórir leikmenn skoruðu öll 29 mörk Gummersbach.  Flensburg sigraði Lubecke 27-23 og Göppingen vann Pfullingen 31-24.  Jalesky Garcia skoraði 2 mörk fyrir Göppingen.