Mutu viðurkennir kókaínneyslu

Formaður leikmannasamtakanna á Englandi, Gordon Taylor, segir að rúmenski framherjinn Adrian Mutu hjá Chelsea hafi viðurkennt að hafa neytt kókaíns en í gær var upplýst að Mutu hefði fallið á lyfjaprófi. Taylor segir að Mutu ætli ekki að fara fram á að seinna sýni hans verði rannsakað eins og hann getur kraftist. Að sögn Taylors verður Mutu kallaður í yfirheyrslur af Enska knattspyrnusambandinu en hann á tveggja ára keppnisbann yfir höfði sér. Sá dómur getur verið vægari, samþykki Mutu að fara í meðferð. Umboðsmaður leikmannsins segir að lyfjaprófið hafi verið framkvæmt 1. október síðastliðinn að ósk Jose Mourinho, stjóra Chelsea.