Goð­sögnin fær að keppa á Wimbledon-mótinu

Þessi 23-faldi risamótsmeistari í einliðaleik hafði þegar fengið þátttökubréf í tvíliðaleik, þar sem hún átti að keppa með eldri systur sinni Venus Williams, sem er 45 ára.

Nú er ljóst að Serena mun einnig taka þátt í einliðaleik kvenna, þar sem hún hefur fengið keppnisrétt þar líka.

Williams tekur síðasta sætið í einliðaleik kvenna, að því er breska ríkisútvarpið greinir frá.

Tennisgoðsögnin sneri nýlega aftur eftir fjögurra ára hlé og hefur síðan þá spilað tvo tvíliðaleiki.

Serena Williams hefur unnið öll risamótin bæði í einliða- og tvíliðaleik og er ein af bestu tennisleikkonum allra tíma.

Bandaríska konan á einnig fern Ólympíugull á afrekaskránni, þar af þrjú í tvíliðaleik með systur sinni Venus.

Einliðaleikur Wimbledon hefst 29. júní en tvíliðaleikurinn 1. júlí. Serena Williams hefur unnið sjö einliðaleikstitla á þessu sögufræga móti, sem fer fram á grasi í London.