Leita að bestu bókakápunni 23. júlí 2004 00:01 Þeir félagar Hörður Kristbjörnsson og Þorleifur Kamban Þrastarson vinna þessa dagana að rannsókn um íslensku bókakápuna. Þeir eru nemar á öðru ári í grafískri hönnun við Listaháskóla Íslands og hafa báðir mikinn áhuga á bókahönnun. Hugmyndina að verkefninu fengu þeir eftir að hafa farið í námsferð til New York í vetur. "Tilgangur verkefnisins er að safna saman íslenskum bókakápum og upplýsingum um hönnun þeirra og finna út og svara þeirri spurningu hvaða bókakápa er best og áhrifaríkust. Einnig er markmiðið með þessu að auka veikan mátt bókarinnar á tímum mikillar markaðssetningar á öðru afþreyingarefni. Hér á landi hefur þetta lítið verið rannsakað og því afskaplega takmarkað til um efnið. Eftir að hafa farið til New York og séð hversu mikið er til um þetta þar, ákváðum við að bæta úr því hér og kanna íslenskan markað. Fengum við styrk til rannsóknarinnar úr Nýsköpunarsjóði námsmanna og einnig frá Félagi bókaútgefanda," segir Þorleifur Kamban. Hann segir að þeir hafi lagt út í verkefnið með það að leiðarljósi að fá álit og nýta kunnáttu hönnuða, rithöfunda og útgefenda að spurningunni. "Við spjöllum við þetta fólk og spyrjum út í skoðanir þeirra og vitneskju. Það er þó ekki þar með sagt að sá hópur hafi eingöngu eitthvað um málið að segja og viljum við því eindregið hvetja unnendur bóka og aðra sem láta sig þetta varða að hafa samband við okkur," segir Þorleifur. Þeir félagar stefna á að gefa út bók um efnið sem yrði aðgengileg, söguleg heimild fyrir þá sem hafa áhuga á bókagerð. "Það er ekki orðið alveg ljóst hvernig bókin kemur til með að vera eða hvenær hún kemur út. Líklega verður hún þó þannig uppbyggð að þar yrðu myndir af bókakápum, fjallað yrði um ferli þeirra og loks kæmu fram skoðanir fólks og fræðinga á þeim," segir hann. Þorleifur segir þá félaga ekki eiga neina sérstaka uppáhaldsbókakápu en finnst kápan á ensk-íslensku orðabókarinnar vera mögnuð. Þeir sem vilja koma með tillögur eða segja sínar skoðanir á bókakápum er bent á netfangið: tollioghordurkrisb@lhi.is. Nánari útskýringu á verkefninu er hægt að finna á heimasíðunni grapevine.is/bok. halldora@frettabladid.is Atvinna Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Kosningavökur frambjóðenda: Hvar verða mestu fagnaðarlætin? Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Þeir félagar Hörður Kristbjörnsson og Þorleifur Kamban Þrastarson vinna þessa dagana að rannsókn um íslensku bókakápuna. Þeir eru nemar á öðru ári í grafískri hönnun við Listaháskóla Íslands og hafa báðir mikinn áhuga á bókahönnun. Hugmyndina að verkefninu fengu þeir eftir að hafa farið í námsferð til New York í vetur. "Tilgangur verkefnisins er að safna saman íslenskum bókakápum og upplýsingum um hönnun þeirra og finna út og svara þeirri spurningu hvaða bókakápa er best og áhrifaríkust. Einnig er markmiðið með þessu að auka veikan mátt bókarinnar á tímum mikillar markaðssetningar á öðru afþreyingarefni. Hér á landi hefur þetta lítið verið rannsakað og því afskaplega takmarkað til um efnið. Eftir að hafa farið til New York og séð hversu mikið er til um þetta þar, ákváðum við að bæta úr því hér og kanna íslenskan markað. Fengum við styrk til rannsóknarinnar úr Nýsköpunarsjóði námsmanna og einnig frá Félagi bókaútgefanda," segir Þorleifur Kamban. Hann segir að þeir hafi lagt út í verkefnið með það að leiðarljósi að fá álit og nýta kunnáttu hönnuða, rithöfunda og útgefenda að spurningunni. "Við spjöllum við þetta fólk og spyrjum út í skoðanir þeirra og vitneskju. Það er þó ekki þar með sagt að sá hópur hafi eingöngu eitthvað um málið að segja og viljum við því eindregið hvetja unnendur bóka og aðra sem láta sig þetta varða að hafa samband við okkur," segir Þorleifur. Þeir félagar stefna á að gefa út bók um efnið sem yrði aðgengileg, söguleg heimild fyrir þá sem hafa áhuga á bókagerð. "Það er ekki orðið alveg ljóst hvernig bókin kemur til með að vera eða hvenær hún kemur út. Líklega verður hún þó þannig uppbyggð að þar yrðu myndir af bókakápum, fjallað yrði um ferli þeirra og loks kæmu fram skoðanir fólks og fræðinga á þeim," segir hann. Þorleifur segir þá félaga ekki eiga neina sérstaka uppáhaldsbókakápu en finnst kápan á ensk-íslensku orðabókarinnar vera mögnuð. Þeir sem vilja koma með tillögur eða segja sínar skoðanir á bókakápum er bent á netfangið: tollioghordurkrisb@lhi.is. Nánari útskýringu á verkefninu er hægt að finna á heimasíðunni grapevine.is/bok. halldora@frettabladid.is
Atvinna Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Kosningavökur frambjóðenda: Hvar verða mestu fagnaðarlætin? Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira