Strangt eftirlit með skipum

Norðmenn passa vel upp á íslensk skip sem eru á síldveiðum við Svalbarða, að sögn forráðamanna Samherja hf. Vilhelm Þorsteinsson EA11 hefur verið við síldveiðar í lögsögu Svalbarða undanfarinn hálfa mánuð eða frá mánudagskvöldinu 21. júní síðastliðinn. Á einni viku hafa fulltrúar norsku Landhelgisgæslunnar þrisvar komið um borð í skipið til eftirlits. Verið er að skoða allar skýrslur, aflann og meðferð hans, vinnsluna og einnig löndunina. Ekki hafa verið gerðar neinar athugasemdir við þessa þætti. Á þessum tíma hefur verið landað þrisvar sinnum úr Vilhelm um borð í flutningaskip, samtals 1.600 tonnum af frosnum síldarflökum og hefur norska Landhelgisgæslan komið tvisvar um borð í flutningaskipið til eftirlits.