Rafn Jónsson látinn

Tónlistarmaðurinn Rafn Jónsson lést á heimili sínu í Reykjavík í gær eftir langvinn veikindi. Rafn, sem var betur þekktur sem Rabbi, fæddist árið 1954 á Suðureyri við Súgandafjörð. Á tónlistarferli sínum lék Rabbi meðal annars með hljómsveitunum Grafík, Sálinni hans Jóns míns og Bítlavinafélaginu, en hann gaf auk þess út nokkrar sólóplötur. Rabbi greindist með MND-sjúkdóminn fyrir sextán árum og tókst hann á við sjúkdóm sinn af miklu æðruleysi. Rafn var kvæntur Friðgerði Guðmundsdóttur og áttu þau saman þrjú börn en Rafn átti fyrir eina dóttur.