Sif opnar opinn skóg

Sif Friðleifsdóttir umhverfisráðherra opnaði "Opinn skóg", á Snæfoksstöðum í Grímsnesi á laugardaginn, með því að saga í sundur veglega ösp sem lögð hafði verið þvert á stíginn inn í skóginn. Þetta gerði Siv með öflugri mótorsög, íklædd hjálmi og öðrum nauðsynlegum öryggisbúnaði. Búið er að koma fyrir borðum og bekkjum og merkingum sem lýsa trjátegundum örnefnum og sögu. Á Kolgrafarhóli hefur verið komið fyrir sérstæðri útsýniskífu. Út er kominn fallegur bæklingur, með helstu upplýsingum um svæðið og vandað kort, þar sem m.a. eru merktar helstu gönguleiðir. Bæklingurinn er aðgengilegur í kassa á upplýsingaskiltinu við torgið. Einnig liggur hann frammi á afgreiðslustöðvum Olís á Suðurlandi. Síðar í sumar bætast Sólbrekkur á Suðurnesjum og Tunguskógur á Ísafirði í "Opinn skóg".