Biskup messar yfir forystumönnum

Virðing fyrir hinni opnu samræðu og friðsamlegum lausnum ágreiningsmála ætti ætíð að vera aðalsmerki okkar, sagði biskupinn yfir Íslandi, Karl Sigurbjörnsson, þegar hann messaði yfir forystumönnum þjóðarinnar í Dómkirkjunni. Að lokinni athöfn á Austurvelli héldu ráðamenn til guðsþjónustu og þar sagði biskupinn Íslendinga aldrei hafa haft það eins gott og nú. "Aldrei hafa ísl. augast eins gífurlega og nú. Aldrei í ellefu alda sögu hefur auðlegð lands verið meir Við erum sannkölluð hamingjuþjóð." Hann sagði það ævintýri líkast að Íslendingar skyldu hafa orðið frjáls þjóð án þess að þurfa að berjast fyrir því með vopnum. "Sú er hamingja okkar þjóðar mest að við náum settu marki með baráttu og friðsamlegum hætti. Meðsamræðu og samningum náðist samstaða um megin atriði og grundvallargildi. Því megum við aldrei gleyma og það ætti ætíð að vera aðalsmerki okkar, virðing fyrir hinni opnu samræðu og friðsamlegum lausnum ágreiningsmála." En biskupinn fór einnig með gamansögu: "Sagt er að einhverju sinni hafi ferðamaður spurt gamla konu austur á Jökuldal: "Hefur þú búið hér alla ævi?" Og sú gamla svaraði að bragði: "Ohh ekki ennþá."