Akrafell í flota Samskipa

Samskip hafa bætt við skipi á siglingaleiðinni milli Íslands, Færeyja og meginlands Evrópu. Verður félagið framvegis með viðkomu vikulega á Reyðarfirði og í Klakksvík í Færeyjum í stað hálfsmánaðarlega áður. Brottfarardagar í áætlunarleiðinni breitast nokkuð við þetta og telur Hinrik Bjarnason, deildarstjóri útflutningsdeildar Samskipa að það skapi aukna möguleika fyrir ferskfiskútflyjendur á Íslandi og Færeyjum þar sem fiskurinn verður tilbúinn til afhendingar á fimmtudögum í Englandi, en var áður að koma á markað á mánudagsmorgnum og þá sem viðbót við það mikla magn sem kemur í byrjun hverrar viku frá Íslandi eftir öðrum leiðum. Nýja skipið hefur fengið nafnið Akrafell. Það er með rúmlega 5100 tonna burðargetu og var smíðað í Rúmeníu og Þýskalandi árið 1997.