Lífið

Mjúkar og léttar línur að sunnan

Tískuvikan í Ástralíu var haldin hátíðleg fyrstu vikuna í maí og var margt fallegt að sjá á tískupöllunum þar eins og myndirnar bera vitni um. Forvitnilegt er að fylgjast með tískustraumunum sem þar ríkja og eru ástralskir hönnuðir engir eftirbátar þeirra frönsku eða ítölsku.

Skjólstæðingur Jay-Z ákærður fyrir skotárás

Rapparinn K Koke, breskur skjólstæðingur Jay-Z, hefur verið ákærður fyrir morðtilraun. K Koke er nú í gæsluvarðhaldi sakaður um aðild að skotárás á Harlesden-lestarstöðinni í mars. Hann er 25 ára gamall og er á mála hjá útgáfufyrirtækinu Roc Nation, sem er stýrt af rapparanum Jay-Z.

Walker í T:5

Samkvæmt kvikmyndatímaritinu Empire er nýjasta kjaftasagan í Hollywood sú að Paul Walker eigi að leika aðalhlutverkið í fimmtu Tortímandamyndinni. Upphaflega stóð til að Arnold Schwarzenegger sneri aftur á hvíta tjaldið í þessari mynd en horfið var frá þeirri hugmynd.

Besta útihátíðin lokar dagskránni

Þriðja barnið hjá Connelly

Leikkonan Jennifer Connelly og eiginmaður hennar, leikarinn Paul Bettany, eignuðust dóttur á dögunum. Fyrir áttu hjónin hinn sjö ára gamla Stellan, en Connelly átti einnig hinn þrettán ára gamla Kai með fyrrum kærasta sínum, David Dugan. Dóttirin hefur hlotið nafnið Agnes Lark, en leikkonan fæddi hana á heimili hjónanna í New York. „Öllum heilsast vel,“ sagði talsmaður leikkonunnar.

Æi þetta hefur verið sárt (myndband)

Söngkonan Shania Twain hló og brosti blítt þrátt fyrir að hafa misstigið sig illa á CMT tónlistarhátíðinni. Söngkonan rifjar upp fallið og lætur aðdáendur sína vita á vefsíðunni sinni að hún er líkamlega í lagi eftir að hún datt illa í beinni útsendingu eins og sjá má hér.

Reese framleiðir næstu mynd sjálf

Óskarsverðlaunaleikkonan Reese Witherspoon hyggst framleiða og leika aðalhlutverkið í kvikmyndinni Who Invited Her? Kvikmyndaverin Sony, Paramount og Dreamworks börðust hatrammlega um myndina en að endingu hreppti síðastnefnda fyrirtækið hnossið.

Eva Longoria búin að læra táknmál

Eva Longoria hefur nú lært táknmál til þess að ná til heyrnarlausra aðdáenda sinna, en hún gaf nýlega út uppskriftabókina Eva‘s Kitchen. "Fjölmargir heyrnarlausir einstaklingar hafa keypt eintak af bókinni minni og ég hef náð að tala til þeirra með táknmáli um uppáhalds uppskriftirnar og hvað þeir eigi að elda,“ sagði Longoria á hátíðarsamkomu um helgina. Hún sagðist þekkja vel þá tilfinningu að tilheyra minnihlutahópi. "Margir innan minnar fjölskyldu tilheyra minnihlutahópi og það gleður mig að geta talað þeirra máli,“ sagði Longoria.

Kjóstu þína Sloggi stúlku

Útvarpsstöðin FM957 og undirfataframleiðandinn Sloggi leita að Sloggi stúlku 2011. Þær Aldís, Arna, Dísa, Emma, Hafdís, Hildur, Þórdís og Þorgerður sem skoða má í myndasafni berjast um titilinn. Veldu þína Sloggi stúlku með því að kjósa hér.

Glíman við karlmennskuna

Fjórir karlmenn halda af stað í ferðalag til Taílands vitandi að einn þeirra á eftir að reka einhvern af hinum þremur. Þannig hljómar söguþráðurinn í nýju verki sem sett verður upp í Austurbæ.

Gerir mynd um Taylor og Burton

Óskarsverðlaunaleikstjórinn Martin Scorsese hefur tryggt sér kvikmyndaréttinn að bókinni Furious Love en hún fjallar um stormasamt samband kvikmyndastjarnanna Elizabeth Taylor og Richard Burton.

Rómantíkin allsráðandi

Leikkonan Blake Lively, 23 ára, og leikarinn Leonardo DiCaprio, 36 ára, leiddust á götum Monte Carlo í Mónakó eins og myndirnar sýna greinilega. Sagan segir að Leonardo kynni Blake fyrir öllum sem kærustuna sína. Parið spókaði sig líka um á Ítalíu eins og sjá má hér.

Emmu Watson var ekki strítt

Harry Potter leikkonan Emma Watson tjáir sig um brotthvarf sitt úr Brown-háskólanum í viðtali við tímaritið Style, fylgirit Sunday Times. Hin 21 árs gamla leikkona hætti í skólanum í apríl síðastliðnum. Þá greindu fjölmiðlar frá því að henni hefði verið strítt á frægð sinni og þess vegna hefði hún hrakist úr skólanum. Watson segir það ekki rétt.

Frægir spreyta sig í útvarpi

„Við Andri þurfum nú að fara í sumarfrí eins og aðrir, og gerum það bara hvort í sínu laginu og fáum til okkar þekkta gestastjórnendur í staðinn,“ segir Guðrún Dís Emilsdóttir, betur þekkt sem Gunna Dís, annar stjórnenda þáttanna Virkra morgna á Rás 2.

Alvöru íslensk tónlistarhátíð

Besta útihátíðin hefur blásið út og er að breytast í alvöru tónlistarhátíð að erlendri fyrirmynd. Hátíðin á að verða að árlegum viðburði.

Klikkað kaffihús

Mocha – Mojo er kaffihús í Chennai á Indlandi eftir Mancini arkítekta þar sem húsgögn staðarins eru að mestu dýnur og púðar. Kaffihúsið er ævintýralegt, eins og sjá má í myndasafni, nánast í líkingu við Legoland. Áhersla var lögð á að skapa þrívíddar umhverfi á staðnum sem heppnaðist líka svona afburða vel.

Stórar og ýktar augabrúnir eru málið

Stúlkur, fleygið plokkaranum og leyfið augabrúnunum að vaxa villtum. Á tískupöllunum í haust mátti víða sjá fyrirsætur bera ýktar og dökkar augabrúnir með sóma og eiga augabrúnirnar því að taka vaxtarkipp með gróðrinum í vor.

Enn ein geirvartan í beinni

Kardashian fjölskyldan veit vissulega hvernig fanga á athyglina. Einn fjölskyldumeðlimurinn, Khloe Kardashian, gerði það svo sannarlega í bandaríska sjónvarpsþættinum Fox and Friends í fyrradag. Eins og sjá má á meðfylgjandi myndum sýndi Khloe á sér hægri geirvörtuna í miðju viðtali og það í beinni. Þá má sjá fleiri myndir af Khloe í myndasafni.

Stjörnurnar fagna með Emmsjé Gauta

Rapparinn Emmsjé Gauti fagnar útgáfu plötunnar Bara ég með tónleikum í Þjóðleikhúskjallaranum í kvöld. Þúsund krónur kostar inn á tónleikana og húsið verður opnað klukkan 21.30.

Skotin í Bretaprinsi

Söngkonan Adele segist gjarnan vilja fara út með Harry Bretaprins og telur að þau myndu ná vel saman. „Ég er að eltast við Harry Bretaprins. Ég sagðist aldrei ætla að fara út með rauðhaus, en þetta er Bretaprinsinn!“ sagði söngkonan í viðtali við tímaritið Glamour. Þrátt fyrir að vilja fara út með prinsinum er Adele lítið fyrir að opinbera einkalíf sitt. „Ég hef farið á nokkur stefnumót með þekktum einstaklingum en mér líkar ekki öll sú athygli sem þeim fylgir.“

Erpur til Danmerkur að hvetja landsliðið

„Þetta eru gæjarnir sem ég hitti á tónleikum og eru með á nótunum,“ segir rapparinn Erpur Eyvindarson um U21 landslið Íslands í fótbolta.

Aerosmith tekur upp

Rokksveitin Aerosmith er á leið í hljóðver í næsta mánuði. Liðsmenn sveitarinnar hyggjast taka upp nýja plötu, en sú síðasta, Honkin‘ on Bobo, kom út árið 2004.

Jóhannes Haukur: Ég tók alltaf Hotel California á Ara í Ögri

Jóhannes Haukur Jóhannesson, leikarinn góðkunni, er maðurinn á bak við eftirpartí Eagles-tónleikanna í kvöld. Hann er búinn að fá veitinga- og skemmtistaðinn Austur undir herlegheitin, þar sem Ásgeir Kolbeinsson ræður ríkjum.

Sökuð um framhjáhald

Tímaritið In Touch Weekly heldur því fram að Kim Kardashian hafi haldið framhjá núverandi unnusta sínum Kris Humphries með NFL-stjörnunni Bret Lockett og að framhjáhaldið hafi staðið yfir í fimm mánuði. Talsmenn raunveruleikastjörnunnar segja sögusagnirnar fráleitar og segja að Kardashian hafi ekki einu sinni heyrt á manninn minnst áður. Annað segir Bret Lockett sjálfur, sem lætur hafa eftir sér í viðtali við blaðið að Kardashian hafi verið sú sem sótti í hann. „Ég vissi að þetta væri leikur hjá henni. Þetta er það sem hún gerir,“ sagði leikmaðurinn í viðtalinu. Á forsíðu In Touch er einnig tekið fram að Kardashian og Lockett hafi stundað símakynlíf og sent dónaleg smáskilaboð sín á milli. Kim Kardashian ætlar að lögsækja blaðið og meintan ástmanninn fyrir ummælin.

Bera hag Íslands fyrir brjósti

Núningurinn milli búlgarska tónleikahaldarans og Íslandsstofu virðist til lykta leiddur. Tónleikahaldarinn lofar góðu stuði og segist aðeins hafa ætlað að kynna Ísland og íslenska menningu.

Brúðarmær í krísu

Undirbúningur brúðkaups getur verið skrautlegur, en því fær Annie Walker að kynnast þegar hún tekur að sér hlutverk aðalbrúðarmeyjar í brúðkaupi æskuvinkonu sinnar. Með vinsælustu grínleikkonu Bandaríkjanna í fararbroddi, Kristen Wiig, fær myndin Bridesmaids góða dóma gagnrýnenda.

Gamlir gimsteinar í Nostalgíu

Verslunin Nostalgía við Laugaveg hefur fyrst verslana tekið til sölu "vintage“ hönnunarflíkur og geta tískuunnendur nú fest kaup á kjólum frá Pucci og Yves Saint Laurent, skóm frá Prada, tösku frá Moschino og ýmsu öðru girnilegu.

Sonur Nicolas Cage snappar

Sonur leikarans, Nicolas Cage, Weston Cage fór yfir um í dag. Drengurinn gjörsamlega snappaði þegar þjálfarinn hans bannaði honum að panta mat af matseðli á veitingahúsi. Þá réðst Weston á þjálfarann sem náði að yfirbuga drenginn sem nánast froðufelldi af reiði. Þá reyndu nærstaddir að róa Weston niður en ekkert gekk í þeim efnum. Vitni segja Weston hafa verið í vímu. Þá mætti lögreglan á svæðið, handjárnaði Weston og kom honum í læknishendur. Nicolas Cage, vitjaði sonar síns á spítalann og ætlar að vera hjá honum eins lengi og hann þarf á honum að halda.

Egglaga hús

Veggirnir í egglaga húsi, sem skoða má í meðfylgjandi myndasafni, eftir dmvA arkítekta, eru afskaplega vel nýttir. Sofa má í hliðum hússins, elda, vaska upp sem og geyma ýmsa hluti. Þá er einnig klósett í öðrum enda hússins. Húsið, sem er á stærð við hjólhýsi, má nota sem gestaherbergi, vinnustofu eða móttöku. Það er færanlegt hvert sem er.

Hvað ertu að pæla og þú sem ert nýtrúlofuð?

Sjónvarpsstjarnan Kim Kardashian er sögð hafa haldið framhjá unnusta sínum Kris Humphries með NFL spilaranum Bret Lockett. Krim og Kris trúlofuð sig í lok maí á þessu ári en trúlofunarhringurinn sem skoða má í myndasafni kostaði litlar 228 milljónir íslenskar kr. Það svoleiðis sýður á Kim yfir forsíðufréttinni sem hún segir vera bull frá a-ö. Kim er staðráðin í að kæra InTouch tímaritið og Bret Lockett. Ég vissi að þetta (kynlífið) var leikur í hennar huga. Hún þvingaði mig í að vera með sér, læstur Bret hafa eftir sér í InTouch.